Actividade final de trimestre

Atende as indicacións aquí.

Actividade de pescuda na rede

A ver como empregas o buscador e mais Google Maps. Esta é a actividade.
Se a precisas, tes axuda para procurar na rede nesta síntese.

O tipo textual argumentativo

Para reflexionar sobre o texto argumentativo (despois de intentar crear un co artigo sobre os perigos das redes sociais), revisa este caderno interactivo e realiza todas as actividades que inclúe (agás a da páxina 19). Cando remates, non peches e amósalle ao profe os resultados.
Ollo, para as páxinas 12 e 17 necesitas ter audio.
Se rematas, continúa co texto descritivo.

Proba intermedia

Crea unha anotación, coa categoría “Opinión”, na que ofrezas a túa postura diante da indicación das autoridades de que a falta de privacidade e o descoñecemento en moitos casos de con quen se está a falar constitúen un perigo dos chats e redes sociais. Ten en conta estes datos do estudo Adolescentes e internet en Galicia:

• Ao 50% da xente nova parécelle seguro navegar por internet.
• Esa mesma porcentaxe di que agrega amizades sen coñecelas.
• O 52% afirma que os seus pais non os controlan en absoluto.
• Ao 78% nunca se lles puxo en cuestión na casa o uso que fan da rede.
• A maioría dos e das adolescentes emprega as redes sociais para mostrarse, tontear, ligar…

Extensión mínima: dous parágrafos con varias oracións cada un deles.
Debe incluír:

• unha imaxe en relación co tema, citando a fonte (non Google),
• unha ligazón á orixe dos datos aos que se faga referencia (é: http://www.valedordopobo.com/index.php?s=115 )
• un vídeo sobre o asunto (podes atopalo nesta páxina ou nestoutra.

Para revisar a lingua, podedes botar man deste corrector.

Orixe da imaxe

Póster dixital en Glogster

Xa está publicada unha nova tarefa que se realiza cunha das aplicacións máis “votadas” por vós.

Máis

A cuarta actividade xa está publicada no blogue do módulo. Accede a ela e realízaa cando remates e revises as anteriores.

Incorporouse un bloque de actividades interactivas no lateral do blogue. Cando as realices, captura os resultados e publícaos subindo as imaxes nunha nova anotación.

Tedes que editar o perfil se non aparece ben escrito o voso nome nas intervencións e no cadro “Somos” do lateral. Iso faise desde Perfil público > nome público.

David, Iván Lojo e Miguel pasan a ser colaboradores, non autores, de xeito que non poderán publicar nada sen ser antes revisado polo profe. Poden seguir traballando, pero non será visíbel ese traballo se non o aproba o profesor.
Esta é a opción que queda cando o que se publica non se corresponde co traballo (actividades, tarefas, anotacións persoais, comentarios adecuados).

Youtube

[Modelo de anotación da actividade de escolla de ferramentas]

Youtube é un dos servizos da web máis coñecidos, pois é o preferido, xunto con Vimeo, para o aloxamento de vídeos. Pero tamén permite, entre outras cousas, crear listas de reprodución, editar os arquivos que subimos ou engadir anotacións e pés de vídeo. Desde hai un tempo, por certo, pode manexarse en galego.

Un exemplo é esta ilustración de frases feitas realizada polo Servizo de Normalización Lingüística da Universidade de Santiago de Compostela. Inclúe dezaseis expresións fraseolóxicas acompañadas doutras equivalentes e mais de imaxes acaídas.